పిల్లలు ఎందుకు ఏడుస్తారు?

చిన్నారులు తొలి రోజుల్లో తమ అనుభవాలను మాటలతో చెప్పలేరు. వారికి బాధ కలిగితే, కోపమొస్తే ఏడుపు ద్వారా తెలుపుతారు. బాగా మాటలు వచ్చేవరకు ఏడుపే చిన్నారుల భాష. ఏడుపు చిన్నారులకు ప్రకృతి ప్రసాదించిన వరం. మనలో చాలా మంది పిల్లలు ఏడిస్తే చాలు వారికి కడుపు నొప్పి వచ్చిందని అనుకుంటాం. ఎడాపెడ ఏదో ఒక మందు పోస్తాం. ఇది చాలా ప్రమాదకరమైన పని. చాలా సందర్భాల్లో ఏడుపుకు కడుపునొప్పి కారణం కాదు. ఏడుపు అలా ఉంచితే, మందులతో ఎన్నో ప్రమాదాలు జరగొచ్చు.