మహా మొండి చుండ్రు.. వదలగొట్టుకునేదెలా.

చుండ్రుకు బాహ్యకారణాలు దారితీస్తాయని అందరూ సాధారణంగా భావిస్తారు. జీన్స్, చర్మతత్వాలు అంతర్గతంగా ప్రధాన పాత్ర వహించే కారణాలు. ఇతర బాహ్యకారణాలు చర్మ పరిస్థితిని తీవ్రతరం చేస్తాయి. సాధారణ ఆరోగ్య స్థితిగతులు చుండ్రుకు దారితీస్తాయన్నది నిపుణుల అభిప్రాయం.

చుండ్రుకు తగ్గించండి ఇలా..

స్త్రీలతో పోలిస్తే మగవారికే తలలో చుండ్రు వచ్చే అవకాశం ఎక్కువ. దీనికి ప్రధాన కారణం పురుషల తలలో నూనె ఉత్పత్తి చేసే గ్రంథులు ఎక్కువగా ఉంటాయి. అంతే గాక పురుష హార్మోన్లు కూడా చుండ్రుకు ప్రేరేపకంగా పనిచేస్తాయి. అంతేగాక జింక్ కాని విటమిన్ బి కాని ఉన్న ఆహారాన్ని తినడం మానేస్తే కూడా చుండ్రుతో బాధపడక తప్పదని వైద్య నిపుణులు అంటున్నారు. వీటితో తలలో ఉండే మలస్సీజియా అనే ఫంగస్ తలలో ఉన్న నూనెతో బతికేస్తూ చిటచిటలాడించేస్తుందట. తలకు ఎంత నూనె పెట్టుకుంటే అంత మంచిదని భావించారో అంతే సంగతులు.