ముఖంపై ముడతలా...?

ముఖంపై ముడతలు పడ్డట్టు ఉందని ఎవరైనా అంటే తెగ బాధపడిపోతాం. వయసు పైబడే కొద్దీ చర్మానికి ఉండే సాగే గుణం తగ్గి చర్మం ముడతలు పడుతుంది. పెదాల దగ్గర, కళ్ల దగ్గర చర్మం బాగా ముడతలు పడుతుంది. ముఖ్యంగా నవ్వినపడు ఈ ముడతలు చాలా స్పష్టంగా కనిపిస్తాయి. వయసు మీద పడే కొద్దీ చర్మం పొడారినట్టు అ వుతుంది. పలచబడుతుంది. ఫలితంగా చర్మం తొందరగా ముడతలు పడుతుంది. పోషకాహార లోపం కూడా చర్మం ముడతలు పడడానికి ఒక కారణం. 

స్త్రీ ముఖం సౌందర్యం

మహిళలను చూసిన వెంటనే అందరి దృష్టినీ ఆకర్షించేది నుదుటి మీద వుండే బొట్టు. ఆడవారి ముఖం అందంగా ఆకర్షణగా కనిపించడానికి ప్రధాన కారణం కళ్ళకు పెట్టుకునే కాటుక, నుదుటి మీద వుండే తిలకం బొట్టు. ముఖం ఆకృతిని బట్టి ఎవరు ఏవిధమైన బొట్టు పెట్టుకుంటే అందంగా వుంటుందో తెలుసుకొని ఆవిధంగా పెట్టుకుంటే ముఖ సౌందర్యం రెట్టింపు అవుతుంది.

పగటిపూట నీరు ఎలా తాగాలి?

మనం ఉదయం పూట తాగిన నీరు 10, 11 గంటల వరకు శరీర అవసరాలను తీర్చడానికి సరిపోయింది. ఆ సమయం నుంచి శరీరానికి నీటి అవసరం మళ్లీ ఉంటుంది. పగటి పూట అంటే, ఉదయం టిఫిన్‌ తిన్న తర్వాత నుంచి సాయంకాలం వెలుతురున్న వరకు తాగే నీటి విషయం. ఈ సమయంలో తాగిన నీరు శరీరాన్ని శుభ్రపర్చడానికి పనికిరాదు కానీ, శరీరాన్ని ఎండ నుంచి కాపాడుకోవటానికి, పని చేసినపుడు కండరాల్లో పుట్టే వేడిని చల్లార్చడానికి, జీర్ణాది రసాల ఉత్పత్తికి సహకరిస్తుంది. పగటిపూట మనం రెండున్నర లీటర్ల నీరు తాగితే మంచిది. ఈ నీటిని ఎప్పుడు పడితే అప్పుడు, తినేటప్పుడు కాకుండా ఒక పద్ధతి ప్రకారం తాగితే సవ్యంగా ఉపయోగపడతాయి.

మతిమరుపుకి చక్కని ఔషదం బొప్పాయి

ఏమిటీ మీరీ మధ్య తరచూ మర్చిపోతున్నారు. ఏ వస్తువు ఎక్కడ పెట్టిందీ గుర్తుకు రావడం లేదా? అయితే బొప్పాయితో దానికి చెక్‌ పెట్టేయొచ్చంటున్నారు నిపుణులు. ప్రతిరోజూ బొప్పాయి పండు తింటే మతిమరుపు ఉష్‌కాకి. బొప్పాయి పాలల్లో ఔషధ గుణాలున్నాయి. వీటివల్ల ఎంతో మేలు కలుగుతుంది. బొప్పాయి పాలకు పేరిన నెయ్యి కలిపి తీసుకుంటే కడుపులో నొప్పి తగ్గుతుందట!

ఒక కప్పు- రెండు ఆపిల్స్

నిజమేనండీ మీరు ప్రతిరోజూ మూడు కప్పుల టీ తాగితే ఆరు యాపిల్స్‌ తిన్నదానితో సమానమంటున్నారు నిపుణులు. అంతేకాదు ప్రతిరోజూ టీ తాగితే నూరేళ్ల ఎంచక్కా జీవించవచ్చంటున్నారు. మెదడు చురుగ్గా పనిచేస్తుంది. అంతేకాదు కప్పు టీలో ఉన్న యాంటీ ఆక్సిడెంట్లు కప్పు పండ్లరసం కంటే అధికం. ఒత్తిడి, మధుమేహం, క్యాన్సర్‌, దంతక్షయం ఇలా ఎన్నో ఆరోగ్య సమస్యలకు టీ సర్వరోగ నివారిణిలా పనిచేస్తుంది. టీ తాగితే నిత్య యవ్వనంగా ఉండొచ్చంటున్నారు. ఎందుకంటే శరీరాన్ని ముడతలు పడకుండా టీ కాపాడుతుంది. టీలో ఉన్న 500 రసాయనాలు బరువును కూడా నియంత్రిస్తాయి. టీలో పాలు కలిపి తాగడం వల్ల శరీరానికి విటమిన్స్‌, మెగ్నీషియం, పొటాషియం వంటి ఖనిజాలు కూడా అదనంగా అంది, ఎముకలు దృఢంగా తయారవుతాయంటున్నారు. మరింకెందుకు ఆలస్యం తాగేయండి టీ!

చక్కని ఆరోగ్యానికి ఉగాది పచ్చడి

ఋతువులు మారుతున్నాయి. వాటితో పాటే జీవితంలో అనుభూతులు మారుతున్నాయి. శిశిరంలో మోడైపోయిన చెట్లన్నీ వసంతకాలంలో చిగురించి చెట్లుకు కొత్త అందాన్నిస్తున్నాయి. ఈ వసంతరుతువులో వచ్చే తొలి మాసం చైత్రం. అందుకే దీనినే తెలుగు సంవత్సరాదిగా పేర్కొంటారు. అదే ఉగాది. ఉగాది అనగానే మనకు ముందుగా గుర్తుకువచ్చేది ఉగాది పచ్చడి. జీవితంలో ప్రతి మనిషికి సుఖ, దు:ఖాలు ఉంటాయి. వాటికి ప్రతీకగానే ఉగాది పచ్చడి అన్నిరుచుల కలబోతగా ఉంటుంది.